មនុស្សស្លាប់២នាក់ និងរបួសធ្ងន់៣នាក់ ករណីរថយន្តបែនដឹកដីបុករះ នៅខេត្តត្បូងឃ្មុំ
19-April-2019 | ដោយ ពលមនសិការ
ត្បូងឃ្មុំ៖ រថយន្តបែនដឹកមួយគ្រឿងជាន់ហ្វ្រាំងមិនស៊ី រេចង្កូតបុកម៉ូតូចតនៅលើចិញ្ចើមផ្លូវនិងជ្រុលទៅបុកសំយ៉ាបផ្ទះប្រជាពលរដ្ឋ បណ្តាលឲ្យមនុស្ស២នាក់ស្លាប់ និងមនុស្ស៣នាក់ទៀតរងរបួសធ្ងន់។ ឧបទ្ទវហេតុខាងលើ បានកើតឡើងនៅថ្ងៃសុក្រ ១៥កើត ខែចេត្រ ឆ្នាំកុរ ឯកស័ក ព.ស ២៥៦២ ថ្ងៃទី១៩ ខែមេសា ឆ្នាំ២០១៩ វេលាម៉ោង០៨នឹង២៤នាទី លើផ្លូវជាតិលេខ៧ ចន្លោះបង្គោលគីឡូម៉ែត្រ១៥៥-១៥៦ នៅចំណុចមុខផ្ទះ ឈ្មោះសុខ សាផេង ភេទប្រុស ស្ថិតនៅភូមិត្រពាំងគូរ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។
មន្ត្រីនគរបាលខេត្តត្បូងឃ្មុំ បានឲ្យដឹងថារថយន្តបង្កម៉ាកហ៊ីយ៉ាន់ដាយ (បែនដឹកដី) ពណ៌ស គ្មានស្លាកលេខ បើកបរដោយឈ្មោះ ប្រុស លីណា ភេទប្រុស អាយុ៣០ឆ្នាំ ជនជាតិខ្មែរ នៅភូមិពណ្ណរាយ សង្កាត់សួង ក្រុងសួង ខេត្តត្បូងឃ្មុំ(គ្មានរបួស) ពេលមកដល់កន្លែងកើតហេតុបានបុកម៉ូតូចំនួន០៥គ្រឿង ១-ម៉ូតូម៉ាកវ៉េវ ពណ៌ខ្មៅ គ្មានស្លាកលេខ(ឈប់នៅស្ងៀម) អង្គុយលើម៉ូតូដោយឈ្មោះ ម៉ៅ ស្លេះ ភេទប្រុស អាយុ២៧ឆ្នាំ ជនជាតិចាម នៅភូមិអង្គរជា ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ (របួសធ្ងន់) អោបកូននៅពីមុខ ឈ្មោះ ស្លេះ សាហ្វីកា ភេទស្រី អាយុ០៣ឆ្នាំ ជនជាតិចាម នៅភូមិឃុំជាមួយ (របួសធ្ងន់), ២-ម៉ូតូម៉ាក ហុងដាឌ្រីម ពណ៌ក្រហម ពាក់ស្លាកលេខ កំពង់ចាម 1G-0211 (បញ្ឈរស្ងៀម), ៣-ម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខត្បូងឃ្មុំ 1C-1710 ( បញ្ឈរស្ងៀម), ៤-ម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខ ត្បូងឃ្មុំ 1C-4423 (បញ្ឈរស្ងៀមនិង៥-ម៉ូតូម៉ាកយាម៉ាហា(ស៊ីរុស) ពណ៌ខ្មៅ គ្មានស្លាកលេខ(បញ្ឈរស្ងៀម) អង្គុយលើម៉ូតូដោយ ឈ្មោះ ប្រុស សេន ភេទប្រុស អាយុ២៥ឆ្នាំ ជនជាតិខ្មែរ នៅភូមិ ត្រពាំងដុំ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ (ស្លាប់នៅហ្នឹងកន្លែងកើតហេតុ) អោបកូនឈ្មោះ សេន សិដ្ឋ ភេទប្រុស អាយុ០៣ឆ្នាំ ជនជាតិខ្មែរ នៅភូមិឃុំជាមួយ (របួសធ្ងន់)។ និងថ្មើរជើងម្នាក់ឈ្មោះ យស់ ប៊ុនថន ភេទស្រី អាយុ៥៤ឆ្នាំ ជនជាតិខ្មែរ នៅភូមិត្រពាំងធំ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ (ស្លាប់នៅហ្នឹងកន្លែងកើតហេតុ) និងបុកសំយ៉ាបផ្ទះឈ្មោះ សុខ សាផេង ភេទប្រុស អាយុ៤៦ឆ្នាំ ជនជាតិខ្មែរ នៅភូមិត្រពាំងគូរ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។
ប្រភពដដែលបន្តថាក្នុងហេតុការណ៍ខាងលើបណ្តាលឲ្យខូចខាត រថយន្ត០១គ្រឿង កំរិតស្រាល ម៉ូតូ០៤គ្រឿងកំរិតធ្ងន់ និង០១គ្រឿងទៀត កំរិតស្រាល និងខូចខាតសំយ៉ាបផ្ទះ និងឥវ៉ាន់មួយចំនួន។ មនុស្សស្លាប់០២នាក់(ស្រី០១នាក់) របួសធ្ងន់០៣នាក់(ស្រី០១នាក់) ៕
ចំនួនអ្នកទស្សនា
- ថ្ងៃនេះ5271
- ម្សិលមិញ6261
- សប្តាហ៍នេះ23651
- ខែនេះ138801
- ឆ្នាំនេះ138801
- សរុប20581257